Белгискиот напаѓач Ромелу Лукаку минатото лето го напушти Интер и по вторпат стана член на Челси. Сепак, на робусниот голгетер во Лондон не му оди како што планираше и многу би сакал да се врати на „Џузепе Меаца“. Но, ќе мора да се согласи на неверојатно намалување на платата доколку сака да се врати во Милано.
Интер е подготвен да му понуди најмногу 6,5 милиони евра годишен приход, што е повеќе од двојно помалку од тоа колку заработува во Челси (14 милиони евра годишно).
Лукаку оваа сезона во дресот на Челси забележа 39 настапи и постигна 12 гола, а нереален е фактот дека се уште е без гол во Премиер – лигата во 2022 година.
