Фудбалскиот прволигаш Работнички денеска ги мина задолжителните тестови за Ковид-19, објави клубот на официјалниот сајт. Остануваат уште три дена до почетокот на пролетниот дел од првенството, па фудбалерите, стручниот штаб и раководството на „романтичарите“ го минаа задолжителното тестирање кое го организира Фудбалската федерација на Македонија. Ова тестирање треба да го минат и сите останати прволигашки клубови.
Работнички в сабота ќе го отвори пролетниот дел од шампионатот во Првата лига на гостувањето против Академија Пандев. Мечот е закажан за 14 часот, на комплексот на Академија Пандев.
