УЕФА ќе и одреди казна од еден меч без публика на романската фудбалска федерација за однесувањето на дел од навивачите на мечот против Косово и извиците и транспарентите „Косово е Србија“, јавуваат локалните медиуми.
Дуелот со Косово беше одбележан со низа инциденти, откако покрај контроверзниот транспарент, романските навивачи извикуваа „Косово е Србија“, по што косовските фудбалери се вратија во соблекувалната и мечот беше во прекин околу еден час.
Романија потоа го доби мечот со 2-0.
Романците ќе поминат релативно лесно и нема да може да имаат публика на квалификацискиот меч за ЕВРО 2024 против Андора.
