Рома постигна договор со Лил за трансфер на десниот бек Мехмет Зеки Челик. Двете страни ги прецизираа поголемиот дел од условите на договорот, а останаа само некои финални детали, за кои се очекува да бидат решени во текот на денешниот ден.
Рома за 25-годишниот Турчин ќе плати 7 милиони евра, а Лил ќе задржи 15% од правата на играчот во неговиот следен трансфер.
Фудбалерот ќе потпише договор со „волчицата“ за следните четири години откако ќе ги помине задолжителните медицински тестови, кои треба да се случат во понеделник.
Како дел од договорот, Рома ќе го испрати Ебрима Дарбо на позајмица во францускиот клуб.
