Италијанскиот првак Милан и освојувачот на Конференциската лига на УЕФА, тимот на Рома, се заинтересирани за Набил Фекир. Францускиот офанзивен играч за врска настапува за Бетис од 2019 година.
Претходно тој беше најдобар играч на Лион и беше на прагот на преселба во Ливерпул, но англискиот клуб во последен момент го стопира трансферот поради загриженост за состојбата на колената кои неколкупати ги повреди.
Фекир отиде во Бетис и игра многу добро веќе три сезони, а неговата вредност во моментот изнесува околу 40 милиони евра.
