Рома по 34 години повторно ќе игра во европско финале. Жозе Мурињо го надмудри Брендан Роџерс, „волчицата“ славеше со 1-0 на „Олимпико“ и се пласира во финалето на Конференциската лига на УЕФА. Стрелец на победничкиот гол за римјаните беше Тами Абрахам во 11.минута од натпреварот, доволно за финале откако првиот дуел заврши 1-1.
Втор финалист е холандскиот Феенорд, кој одигра реми без голови на гости против Олимпик Марсеј и ја сочува предноста (2-3) од првиот меч во Холандија.
