Тренерот на Рома, Жозе Мурињо, се соочува со проблем поради повредата на ерменскиот интернационалец Хенрик Мхитарјан. Тој се повреди на мечот против Лестер во Конференциската лига на УЕФА и мораше да биде заменет во 57. минута.
Според информациите од Италија, станува збор за истегнување на бутниот мускул и тој ќе биде во аут околу две седмици.
Ова значи дека Мхитарјан сигурно нема да игра на натпреварот против Болоња во Серија А, но и на реваншот против Лестер во Конференциската лига.
