Борусија Дортмунд ќе игра во финалето на Лигата на шампионите на „Вембли“ на 1 јуни откако и вторпат го совлада ПСЖ со 1-0. Легендарниот фудбалер на „милионерите“ Марко Ројс на најдобар можен начин ќе се прости од клубот, со финале во елитното европско клупско натпреварување.
Марко Ројс и стрелецот на голот Матс Хумелс се единствените двајца фудбалери од овој тим на Борусија Дортмунд кои играа во финалето против Баерн Минхен и пред 11 години.
„Кому му е гајле дека ПСЖ гаѓаше стативи? Утре тоа воопшто нема да биде важно и нема да се памети. Тоа што ќе биде важно е дека Борусија Дортмунд повторно е во финалето. Никој не го очекуваше ова, ова е неверојатно. Мора да успееме, ова е наш момент“, изјави Марко Ројс по мечот.
„Ова не може да се опише, по повеќе од десет години повторно сум во финалето со Борусија Дортмунд“, истакна Ројс.
