Гостите од Гибралтар очекуваат тежок натпревар против Македонија на утрешниот меч во Скопје. Селекторот Хулио Рибас верува дека селекцијата може да одигра квалитетно, осоколена и од ремито (1-1) со Бугарија.
“Четири натпревари за десет дена е жестоко темпо, но ние се радуваме што можеме да играме против квалитетни селекции како Македонија. Мислам дека сте најсилната селекција во групата, ги анализиравме мечевите против Италија и против Португалија, а исто така и првиот меѓусебен дуел на Гибралтар”, изјави селекторот на Гибралтар, Хулио Рибас.
