Репрезентативците почнаа со подготовките за летното искушение во Лигата на нации (ФОТО)

Фудбалската репрезентација на Македонија ги почна подготовките за новото издание во Лигата на нации кое оваа сезона е всушност летно искушение. Четири јунски натпревари по завршувањето на шампионатите е секако дополнителен напор за секој фудбалер. Но, кога е во прашање Македонија, секако дека не е тешко.

Без капитенот Стефан Ристовски, но и без Адеми, Ракип, Костадинов и Јаховиќ, селекторот Благоја Милевски најави дека ќе им даде шанса на сите кои се повикани и очекува сепак Македонија на крајот на септември, кога завршува циклусот, да биде на првата позиција во групата, во која се уште и Бугарија, Грузија и Гибралтар.