Фудбалерите на Англија ќе поделат бонус од 9,6 милиони фунти ако станат европски шампиони на турнирот во Германија, објавија медиумите на Островот.
Според информациите, селекторот на англиската репрезентација, Герет Саутгејт, ќе добие премија од 4 милиони фунти доколку ги однесе „Трите лава“ до титулата на ЕВРО 2024. Ова се рекордни бонуси во историјата на националниот тим на Англија.
Англичаните вечерва го започнуваат своето учество на првенството со натпреварот против Србија. Потоа ќе играат против Данска на 20 јуни и против Словенија на 25 јуни.
