Лука Модриќ се уште нема потпишано нов договор со Реал Мадрид, но прашање е на денови кога Хрватот ќе се обврзе на нова соработка. Шпанските медиуми откриваат дека Реал Мадрид за ветеранот има направено преседан, понуден му е договор 1 + 1 година, што значи дека капитенот на хрватската репрезентација ќе остане во Мадрид до летото 2024.
„Кралскиот клуб“ би направил преседан бидејќи ниту еден ветеран нема добиено договор за повеќе од една година во последниот период. Тој би ја „заработил“ втората година од договорот доколку исполни одредени услови следната сезона.
„АС“ додава дека Реал Мадрид и Лука Модриќ се договориле играчот од средниот ред да остане во клубот и по завршувањето на кариерата.
Лука Модриќ во Реал Мадрид е од 2012 година кога за 35 милиони евра пристигна од Тотенхем.
