Реал Мадрид е подготвен да слушне понуди за играчот од средниот ред Аурелиен Чуамени и да го продаде во наредниот период, објавува „Релево“. 24-годишниот француски репрезентативец ја загубил својата позиција во клубот, а единствено Карло Анчелоти му дава поддршка. Меѓутоа, довербата на италијанскиот стратег кон овој играч е исто така на раб на исцрпеност.
На „Бернабеу“ сметаат дека Чуамени веќе не е незаменлив дел од тимот.
Во последно време, францускиот играч од средниот ред игра во слаба форма. Од почетокот на сезоната одигра 14 натпревари во сите натпреварувања, а во некои од нив беше користен и како централен дефанзивец.
Во последниве години, интерес за Чуамени не недостасуваше, а често беше поврзуван со Баерн Минхен, Ливерпул и други англиски клубови.
Аурелиен Чуамени прејде во Реал Мадрид летото 2022 година од Монако за 80 милиони евра. Неговиот договор е валиден уште четири години.
