Реал Мадрид не успеа да освои трофеј во сезоната што измина и поради тоа и Зинедин Зидан го напушта клубот. Но, тоа значи и дека раководството мора да тргне во комплетна реконструкција. Се очекуваат заминувања на Серхио Рамос и на Рафаел Варан, па „кралевите“ се во потрага по нови дефанзивци.
Давид Алаба е веќе договорен и потпиша преддоговор со клубот, а по стартот на лениот преоден рок и дефинитивно ќе пристапи како слободен агент. Реал Мадрид планира тој да игра во тандем со Жул Кунде, одличниот стопер на Севилја, кој е приоритетна цел за Флорентино Перез.
За да го доведе Кунде, Реал Мадрид ќе треба да издвои околу 60 милиони евра. За него постои интерес и од премиерлигашите Манчестер Јунајтед и Челси.
