Наполи игра фантастичен фудбал во Серија А и забележа шест победи од исто толку натпревари. Првото име на Наполи оваа сезона е Виктор Осимен, 22-годишниот напаѓач од Нигерија кој немилордно ги тресе мрежите. Иако до неодамна беше речиси непознат за пошироката јавност, Наполи го доведе од Лил минатото лето за 70 милиони евра. А веќе следното лето би можел да замине за двојно повеќе.
„Газета дело Спорт“ пишува дека Реал Мадрид е подготвен да понуди околу 150 милиони евра за него доколку не успее да ги ангажира Мбапе или Халанд.
Наполи лесно може да ја удвои сумата што ја плати за најскапиот играч во клупската историја по само две сезони. Во трката за Осимен се и Манчестер Јунајтед и Манчестер Сити.
