Маркус Рашфорд е меѓу најкритикуваните фудбалери од навивачите на Манчестер Јунајтед за настапите оваа сезона. Напаѓачот го прифаќа ова, но не се согласува со сѐ што му се префрла. Со текот на годините, во улогата на тинејџер на „црвените ѓаволи“, Рашфорд изгледаше дека ужива поголеми симпатии, но од неодамна има и многумина разочарани од него.
„Видете, јас не сум совршена личност. Кога ќе направам грешка, јас ќе бидам првиот што ќе ја признаам и ќе кажам дека треба да направам подобро. Но, ако ја доведувате во прашање мојата приврзаност кон Манчестер Јунајтед, тогаш морам да се вмешам“, изјави англискиот репрезентативец во интервју за „The Players’ Tribune.“
„Тоа е како некој да го доведува во прашање целиот мој идентитет и сè за што се залагам како личност. Па, јас пораснав овде. Од дете играм за Јунајтед. Кога бев млад за да го носам Манчестер Јунајтед, моето семејство ја одби можноста да заработам пари што би ни го промениле животот. Одговорно ви тврдам дека светот го нема видено најдоброто од овој состав на Манчестер Јунајтед“, истакна Рашфорд.
