Напаѓачот на Манчестер Јунајтед, Маркус Рашфорд, ги продолжи тренинзите со тимот пред четвртфиналето од Лигата на Европа против Севилја, објавија од клубот.
25-годишниот англиски репрезентативец ја заработи повредата против Евертон пред 11 дена. Тој го пропушти првиот натпревар со Севилја на „Олд Трафорд“, кој заврши 2-2, како и победата од 2-0 над Нотингем Форест во Премиер – лигата.
На тренинг сесијата учествуваа и Лук Шо, Тајлер Маласија и Марсел Сабицер, кои исто така се мачеа со повреди и голема е веројатноста да бидат во составот на „црвените ѓаволи“ за утрешниот натпревар во Шпанија.
Бруно Фернандеш ќе го пропушти натпреварот против Севилја бидејќи доби втор жолт картон и ќе биде суспендиран на еден натпревар.
Лисандро Мартинез и Дони ван де Бек се надвор од терените до крајот на сезоната, а Рафаел Варан неколку недели. Алехандро Гарначо исто така неодамна објави дека продолжил со тренинзите, но сѐ уште не е подготвен да тренира со останатиот дел од тимот.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski