Капитенот Серхио Рамос ќе ја добие трката со времето и ќе биде подготвен да настапи за Реал на решавачкиот натпревар од Лигата на шампионите против Борусија Менхенгладбах в среда во Мадрид. „Кралевите“ си ја искомпликуваа ситуацијата во групата со вториот пораз од Шахтјор Доњецк и мораат да избегнат пораз од Борусија Менхенгладбах за да се пласираат во осминафиналето.
Рамос беше неизвесен за дуелот против Севилја, но Зинедин Зидан одлучи да го одмори и на тој натпревар за капитенот да биде максимално подготвен за дуелот од Лигата на шампионите против Борусија Менхенгладбах.
