Легендарниот фудбалер на Манчестер јунајтед, Рајан Гигс, се наоѓа во 24-часовен притвор откако полицијата го привела под сомнение за физички напад над неговата партнетка. Актуелниот селектор на Велс соработувал со полициските органи и ги негирал наводите од неговата девојка Кејт Гревил.
„Полицијата интервенираше на анонимна пријава дека Рајан Гигс физички ја нападнал девојката. Тој е приведе, соработува со органите и најави дека ќе помогне во целосно расветлување на случајот“, информираа полициските органи на Манчестер.
Поради оваа случка откажана е прес – конференцијата што Рајан Гигс требаше да ја има како селектор на Велс за да го соопшти списокот на фудбалери кои се повикани во репрезентацијата за претстојните активности во Лигата на нации.
