Бразил ќе игра офанзивно на натпреварот против Србија на стартот на СП, изјави Рафиња неколку дена пред деби натпреварот на „селесао“ во Катар.
„Ние сме комплетно напаѓачки тим. Нашата ДНК ни кажува да играме кон напред. Со Винисиус имаме брз напад, а Пакета го прави нашиот тим опасен кога напаѓаме низ центарот“, изјави бразилскиот напаѓач, цитиран од „Ројтерс“.
Бразил ќе се соочи со Србија на 24 ноември (четврток). Натпреварот започнува во 20 часот е дел од програмата на групата Г, каде силите ќе ги одмерат уште и селекциите на Швајцарија и на Камерун.
