Работнички – Тиквеш на комплексот на ФФМ, теренот на Арената ќе се подновува за дуелот Македонија – Бугарија

Работнички во претстојното коло ќе биде домаќин на Тиквеш на комплексот „Петар Милошевски“ на ФФМ. Мечот е закажан за в недела, со почеток од 16 часот, како дел од четвртото коло во Првата фудбалска лига.

Ова е поради репарирањето на теренот на арената „Тодор Проески“ за претстојниот меч меѓу репрезентациите на Македонија и на Бугарија на 26 септември во Скопје.

ФФМ вчера ги објави цените на влезниците за натпреварот кои ќе чинат 250 и 350 денари.