Connect with us

Работнички сака нов триумф против „пандевци“, но и гостите сакаат реванш

Работнички и Академија Пандев на Националната арена „Тодор Проески“ во Скопје (15 часот) го отвора третиот круг од натпреварите во Првата македонска фудбалска лига. „Романтичарите“ сакаат да го продолжат одличниот пролетен чекор, а и да го повторат триумфот против Академија Пандев од првото пролетно коло. Тогаш условите беа снежни, сега ќе треба да се прикаже и многу повеќе фудбал, не само борба.
Фудбалерот од средниот ред на Работнички, Стефан Јевтоски, вели дека тој и соиграчите се полни со самодоверба и доколку Работнички повтори дел од минатите изданија очекува триумф.


„Работнички има сосема нов лик оваа пролет. Играме квалитетно, офанзивно, сакаме да постигнеме гол повеќе од противникот. Во исто време, сакаме да наметнеме доминација на средината на теренот, а кога се браниме, тоа да биде цврсто и бескомпромисно. И на досегашните натпревари тоа функционираше многу добро. Верувам дека и утре ќе се претставиме во такво издание и ќе победиме ако ги исполниме поставените задачи од шефот Александар Влахо. Полни сме самодоверба и мислам дека од нашето издание дали ќе го победиме тимот на Академија Пандев. Секако, за нив максимален респект, тоа е одличен тим со неколку квалитетни индивидуалци“, вели Стефан Јевтоски.

Академија Пандев сака можеби „реванш“ за поразот во Струмица. Тренерот Александар Васоски верува дека гостите можат да стигнат до бодови, а неговиот тим е конкурентен да се надигрува со секој тим.

„Мислам дека двата тима имаат израмнет квалитет. Работнички игра добро оваа пролет, но Академија Пандев е конкурентен тим и секако сака позитивен резултат“, истакна Васоски.

ПРВА ЛИГА, 23.КОЛО

РАБОТНИЧКИ – АКАДЕМИЈА ПАНДЕВ (ДЕНЕСКА, 15 Ч.)

ШКУПИ – ВАРДАР (УТРЕ)

ШКЕНДИЈА – ПЕЛИСТЕР

МАКЕДОНИЈА ЃП – ПЕЛИСТЕР

СТРУГА ТРИМ ЛУМ – РЕНОВА

БОРЕЦ – БЕЛАСИЦА

Standings provided by SofaScore LiveScore

Advertisement

Facebook

Тимови