Работнички и Ренова одиграа голеада (3-3) на зимските подготовки во Охрид. Олигледно дека Александар Влахо и Ќатип Османи не мора да се грижат за офанзивниот дел, но ќе мора да ја подобрат одбраната на своите тимови.
Ренова поведе со голот на Селмани, а израмни Силјановски. Работнички дојде до пресврт со погодокот на Јевтовски, но Селмани од пенал израмни на 2-2 пред самиот крај на првото полувреме.
Марио Станковски во 55.минута повторно донесе предност за „романтичарите“, а израмни Ален Јашароски во 90.минута од мечот.
