Работнички и Пелистер ремизираа (1-1) на пријателскиот натпревар во Струга. Поведе Пелистер со голот од пенал на Борче Маневски во 63.минута, а израмни Петар Петковски во 85.минута од мечот.
Во првиот дел, убава можност за Работнички имаше Ристовски, но не успеа да реализира, а Михаил Талевски на спротивната страна ја погоди гредата.
Во второто полувреме беше досуден пенал за Пелистер, а успешен реализатор беше Борче Маневски во 63.минута. Работнички имаше убави можности за израмнување преку Ристовски и Марио Станковски.
Пред крајот стигна израмнувањето преку Петар Петковски. На асистенција на Кристијан Стојкоски, крилниот напаѓач успеа да ја затресе мрежата на Пелистер во 85.минута.
Ренова ремизираше (2-2) против Охрид на последниот тест на крајбрежјето. Стрелци за „гипсарите“ на овој натпревар беа Ален Јашароски и Емран Рамадани, додека за охрижани погодија Реџепи и Мазари. Ренова не искористи пенал, Рамадани не беше прецизен од белата точка.
Тетекс одигра реми (3-3) со многу голови против Кек. Стрелци за македонскиот второлигаш беа Шоповски, Николовски и Михајловски.
