Трансферот на Милан Шкриниар од Интер во Пари Сен Жермен е пред пропаѓање. Преговорите меѓу двата клуба влегоа во ќорсокак и никој не е подготвен на отстапки. Интер инсистира да добие 70 милиони евра за словачкиот интернационалец, но ,според „Л’Екип“, ПСЖ нема намера да плати таква сума за фудбалер кој следното лето може да стане слободен играч.
Парижаните не се подготвени да платат повеќе од 50 милиони евра за дефанзивецот.
Интер веќе е во преговори со Шкриниар за нов договор. „Нероаѕурите“ ќе бараат да го задржат централниот дефанзивец откако Бремер потпиша за Јувентус.
Сепак, во трката за него влета Челси. Со оглед Жул Кунде е на прагот да потпише за Барселона, сега раководството на Челси ќе бара нова опција за да обезбеди нов партнер за Калиду Кулибали.
