Францускиот првак ПСЖ сака да го продолжи договорот со аргентинската ѕвезда Лионел Меси, пренесува „Л’Екип“. Раководството на клубот ќе започне преговори со 35-годишниот Аргентинец за продолжување на неговиот престој во Париз и по завршувањето на оваа сезона.
Актуелниот договор на Меси истекува во летото 2023, а во ПСЖ се уверени дека ќе биде потпишан нов договор за уште една сезона.
Минатата сезона тој одигра 34 натпревари за францускиот тим, постигнувајќи 11 голови и 15 асистенции. За прв пат по 2005 година, Аргентинецот не се најде меѓу номинираните за „Златната топка“.
