Ворен Заир-Емери оваа сезона блесна во дресот на Пари Сен Жермен и се етаблира како еден од најталентираните млади фудбалери во светот. Клубот е импресиониран од напредокот на талентираниот играч за врска и многу брзо ќе му понуди нов договор.
Намерата на францускиот клуб е да го продолжи договорот на Заир-Емери на уште пет години. Тој треба да стапи во сила во март, кога фудбалерот ќе наполни 18 години.
Заир-Емери е париски тинејџер. Во тековната сезона има три гола и пет асистенции на вкупно 17 натпревари во сите натпреварувања.
