Капитенот на Реал Мадрид, Серхио Рамос, синоќа го постигна стотиот гол во дресот на „кралскиот клуб“, но би можел да замине од „Сантијаго Бернабеу“ на крајот од сезоната. Неговиот актуелен договор истекува на лето, а Реал Мадрид му нуди продолжување на соработката за само една сезона.
Ова сакаат да го искористат Пари Сен Жермен и Јувентус кои без проблем би му понудиле договор на две сезони и годишна плата од 11 милиони евра, поголема од сегашната во Реал Мадрид. Двата клуба сакаат да ги измешаат картите за Флорентино Перез и ќе се обидат да го уловат одличниот дефанзивец на крајот од кариерата.
Серхио Рамос засега не размислува за напуштање на Реал Мадрид чиј дрес го носи веќе 16 сезони. Но, којзнае, доколку „кралевите“ не ги исполнат неговите барања.
