Пари Сен Жермен официјално објави дека го продолжува договорот со својот дефанзивец Преснел Кимпембе. 28-годишниот централен дефанзивец потпиша до 30 јуни 2026 година.
Кимпембе е во клубот од 2005 година, доаѓајќи преку младинската академија на парижаните. За францускиот гигант има 237 натпревари и три постигнати гола.
Кимпембе моментно се опоравува од повредата на Ахиловата повреда што ја заработи при победата од 3-0 на гости кај Олимпик Марсеј на крајот на февруари и оттогаш нема настап.
Од ПСЖ исто така прецизираат дека во следните неколку дена дефанзивецот мора да оди на операција за што поскоро да се врати во игра.
