Томас Тухел ќе мора да состави тим на Пари Сен Жермен без Нејмар, но и без Килијан Мбапе. Дури петмина играчи на „светците“ ќе го пропуштат утрешниот меч од Лигата на шампионите против Лајпциг, објави клубот од Париз.
Напаѓачот Килијан Мбапе кој беше заменет во последниот меч од францускиот шампионат против Нант, има повреда на бутниот мускул и не отпатува со тимот во Германија.
Нејмар ќе се врати на терените по репрезентативната пауза, а надвор од составот се и Марко Верати и Џулијан Дракслер. Крајно неизвесен е и настапот на Мауро Икарди.
