Шалке 04 дури во 15.коло од Бундес – лигата стигна до првата победа. И тоа убедлива, откако на домашен терен го совлада Хофенхајм со 4-0. Тоа беше всушност прв триумф на Шалке по неверојатни 30 натпревари.
Метју Хоп постигна хет – трик, а во листата на стрелците се запиша и Амин Харит.
Баер Леверкузен одигра само 1-1 на домашен терен против Вердер и повторно доцни четири бода зад лидерот Баерн Минхен. Омер Топрак ги изненади „фармацевтите“ на почетокот на вториот дел, а израмни Патрик Шик во 70.минута.
Фрајбург беше убедлив против Келн и славеше со 5-0, додека Унион Берлин и Волфсбург ремизираа 2-2.
