Голманот на Манчестер Сити, Едерсон, нема да прејде во Ал-Наср, откако клубот на Кристијано Роналдо договори друг голман – Бенто од Атлетико Параненсе. Тимот од Саудиска Арабија понудил 30 милиони евра за Едерсон, но шампионот на Англија ја одбил понудата, барајќи двојно повеќе.
Во таа ситуација, Ал-Наср се насочиле кон Бенто и успеале да го договорат за 18 милиони евра. Бразилскиот голман, кој има и два натпревари за сениорската репрезентација на „селесао“, ќе потпише договор до 2028 година.
Интересно е што пред една година Бенто беше блиску до Интер. Тогаш самиот тој потврди дека примил понуда од „нероаѕурите“, но не дојде до реализација на трансферот.
