Лидерот на табелата во Серија А, тимот на Милан, се соочува со големи проблеми откако двајца клучни фудбалери на тимот се позитивни на коронавирус. Левиот бек Тео Хернандез и играчот за врска Хакан Чалханоглу покажале позитивни тестови пред утрешниот меч со Калјари.
„Чалханоглу и Хернандез се позитивни на Ковид-19 и веднаш заминаа во самоизолација. Двајцата фудбалери се асимптоматични, но веднаш се одвоени од останатиот дел од тимот. Сите други имаат негативни тестови на коронавирус“, објави Милан.
Чалханоглу и Хернандез нема да бидат во тимот на дуелот со Калјари, но и на следниот меч против Аталанта. Од претходно, тренерот Пиоли не може да смета ниту на Ребиќ и Круниќ кои исто така се позитивни на Ковид-19, а повреден е Бенасер.
