Навивачите се повторно на трибините, првпат по осум месеци, откако пандемијата на коронавирусот го нападна Островот, а и целиот свет. Премиерлигашот Арсенал имаше чест да организира меч со присуство на фанови, на „Емирати“ имаше 2.000 навивачи на средбата со Рапид Виена од Лигата на Европа која „топчиите“ ја добија со 4-1.
Строг протокол, проверка на телесната температура, седење на големо растојание, без гушкање и допири, апсолутно држење на социјална дистанца. Тоа се препораките, но сепак ова е охрабрување дека е можно набрзо навивачите да се вратат на стадионите и за натпреварите во Премиер – лигата.
