Првото засилување на Манчестер Јунајтед во ерата на Сер Џим Ретклиф, ако може да им се верува на англиските медиуми, ќе биде крилото на Кристал Палас, Мајкл Олисе.
Главната цел на Ретклиф следното лето е токму одличниот крилен напаѓач кој оваа сезона игра одлично во Премиер-лигата.
Отштетната клаузула на овој млад играч е 60 милиони фунти и тој несомнено сака да ја продолжи кариерата во Манчестер Јунајтед, иако за него интерес покажаа Ливерпул и Челси.
Покрај него, на списокот за засилувања на Манчестер Јунајтед наводно е и дефанзивецот на Евертон, Џеред Брантвејт, кој е проценет на 70 милиони фунти.
