Тренерот на Барселона, Ханси Флик, беше задоволен од победата со 1-2 над Њукасл во првиот меч од новата сезона во Лигата на шампионите. Тој изјави дека оваа победа е значајна и дека за неговиот тим било важно да ја започне сезоната со три бода.
„Атмосферата беше фантастична. Њукасл играше со голем интензитет, но тоа беше очекувано. Ние ја задржавме самодовербата во нашите способности. Важно беше да ја започнеме сезоната со победа. Минатата година загубивме од Монако, но сега се претставивме многу подобро“, изјави Флик.
Тој се осврна и на настапот на Маркус Рашфорд, кој со своите први голови за клубот ѝ ја донесе победата на Барселона.
„Го имав видено Рашфорд што може да направи на тренинг и денеска тоа го покажа и на натпревар. Ми е мило за него. Во напад имаме многу квалитетни играчи и тој е еден од нив. Среќен сум што го имам во тимот, затоа што ни носи дополнителни опции во офанзивата. Овие два гола ќе му помогнат да ја направи следната голема чекорница. Ќе му дадат самодоверба и ќе се чувствува подобро. Затоа овие погодоци имаат толку голема вредност“, додаде стратегот на Барселона.
