Фудбалерите на Интер Мајами се вратија на победничкиот колосек со враќањето на Лео Меси. Тимот од Флорида на домашен терен славеше против Торонто со 4-0 откако Меси го пропушти претходниот меч поради репрезентативни обврски.
Сепак, сенка на триумфот во Мајами фрли токму повредата на Лео Меси, кој мораше да биде заменет во 37. минута, па навивачите сега со право се загрижени.
Само две минути претходно поради истата причина од теренот си замина и Жорди Алба, па останува да се види дали Тата Мартино ќе може да смета на нив во Купот на САД.
Клучна фигура во пресвртот беше Тејлор кој откако го замени Меси постигна два гола и забележа асистенција.
