До Фудбалската Федерација на Македонија предмалку стигна потврда од УЕФА, дека стадионот “Билјанини Извори” во Охрид ке биде домаќин на плеј-оф натпреварот меѓу Струга Трим Лум и Брејдаблик од Исланд за пласман во групната фаза од Лигата на Конференции.
„Поради ова одлука, натпреварувачката комисија на ФФМ е принудена да го презакаже дуелот од второто коло на Втората лига меѓу Охрид Лихнидос и Караорман за 30. август. Одлуката е донесена со цел да се создадат сите неопходни услови на стадионот за организацијата на натпревар од УЕФА натпреварување, а тука првенствено се мисли на заштита на тревникот на Билјанини Извори.
Се надеваме дека доцната принудна промена на вистински начин ќе ја разберат двете екипи од Втора Лига, кој својот натпревар требаше да го одиграат утре и ќе бидат поддршка за македонскиот првак Струга Трим Љум во намерата да обезбеди историски пласман во УЕФА групното натпреварување“, велат од ФФМ.
