Наполи доживеа непријатен пораз (3-1) на гости против Верона. Тимот на Џенаро Гатузо се наоѓа на шестата позиција со 34 бода, два помалку од Аталанта. Македонскиот репрезентатиовец Елиф Елмас доби шанса во последните десетина минути од мечот.
Ирвинг Лозано во првата минута го доведе Наполи во водство, но тоа беше се од гостите до крајот. Димарко израмни до крајот на првиот дел, а Барак и Закањи направија целосен пресврт.
Џенова со 1-0 славеше против Калјари, а стрелец на погодокот беше Матија Дестро. Македонскиот репрезентативец Горан Пандев влезе во игра во 62.минута од овој меч.
