Подолски: Германските фудбалери немаше да мрднат ни ако имаше пожар на стадионот!

Фудбалската репрезентација на Германија е можеби најголемото разочарување на Европското првенство заедно со Франција. По поразот од „триколорите“ во групната фаза, Елф ја победи Португалија, но искрено се посрамоти против Унгарија и на крајот од натпреварот едвај го постигна вториот гол за реми и се спаси од шокантно испаѓање во првата фаза.

Но, откако некако ги преживеаја Унгарците, Германците не успеаја да се наметнат на „Вембли“ против Англија во осминафиналето. Со головите на Стерлинг и на Кејн, гордиот Албион отиде понатаму и ги испрати Германците дома.

Поранешниот германски репрезентативец и светски шампион од 2014 година, Лукаш Подолски беше крајно критичен кон германските играчи. Тој ги прекори за недостаток на волја, желба и борбен дух.

„Играчите изгледаа мрачно. Кога ќе ги видите лицата на играчите, ништо не се менува на нив. Можеше да избие пожар на стадионот и тие да останат на теренот. Ни недостигаше акција“, изјави Подолски.

Тој не го критикуваше селекторот Јоаким Лев, кој последен пат седеше на клупата на Германија против Англија.

„Не можете да судите за селекторот по еден натпревар. Она што тој го постигна за германскиот фудбал, тешко дека некој ќе го повтори. Тој беше меѓу трите најдобри со Германија на речиси секој турнир. Можеме само да му заблагодариме”, заклучи Подолски.