Почна Интернационалниот фудбалски турнир „Њу Старс куп 2023“

На теренот на фудбалскиот клуб „Њу Старс“, денеска официјално е отворен Интернационалниот фудбалски турнр „Њу старс куп 2023″.

Турнирот ќе се одржува на три фудбалски терени во Ѓорче Петров и во Градскиот парк, а го отвори Илчо Ѓорѓиоски, првиот човек на Њу Старс. Поздравен говор имаа и градоначалникот на општина Ѓорче Петров, Александар Стојковски, како и претставник од Меѓународна организација на интерционални судии Шкодра Спорт, Јетмир Подгорица.

На турнирот ќе учествуваат повеќе од 100 екипи од Македонија, Косово, Србија, Бугарија, Грција и Албанија во возрасни категории на млади фудбалери родени во 2010, 2011, 2012, 2013, 2014 и во 2015 година.