Лече ја запиша шестата победа во Серија А оваа сезона, триумфирајќи со 1-3 на гостувањето кај Парма. Херој на натпреварот беше Сантијаго Пјероти, кој постигна два гола и го предводеше својот тим до важни три бода.
Парма прва стигна до водство во 34. минута, кога Емануеле Валери беше прецизен од белата точка. Сепак, радоста на домаќините траеше кратко, бидејќи Никола Крстовиќ израмни веќе во 36. минута.
Во второто полувреме, Лече направи целосен пресврт. Пјероти ја донесе предноста за гостите во 63. минута, а во судиското продолжение со вториот гол го запечати триумфот на својот тим.
