Репрезентативецот на Босна и Херцеговина, Миралем Пјаниќ, се прости од Барселона, но се уште ја чека добитничката формула за да се врати во Јувентус.
Пјаниќ не одигра ниту една минута на последните два пријателски натпревари на Барселона, што е уште една јасна порака дека Куман го отпиша. Холанѓанецот не сакаше да го пушти на терен, за да избегне потенцијална повреда, бидејќи Пјаниќ има високи примања од кои Барса мора да се ослободи.
Пјаниќ дури и се согласи на намалување на платата од 20% за да може Јувентус да го врати.
Сепак, Јувентус прво сака да го комплетира трансферот на Мануел Локатели, а за Пјаниќ мора да ослободи простор со продажба на Арон Рамзи или Адриен Рабио.
