Францускиот прволигаш Лион ќе го отпушти тренерот Питер Бош, најавуваат француските медиуми. Холандскиот стратег нема победа на последните пет натпревари и тоа најверојатно ќе му пресуди. Како најсериозен кандидат за негов наследник се споменува Лорен Блан.
Поранешниот селектор на Франција и тренер на Пари Сен Жермен, Лорен Блан, последниот работен ангажман го имаше во Ал Рајан, но си замина во февруари годинава поради лоши резултати.
Лион моментно е на седмата позиција во Лига 1 со 14 освоени бодови, дури 12 помалку од лидерот Пари Сен Жермен.
