Пиши – бриши во Македонија ЃП: Лазаревиќ и Личина потпишаа, па сега ќе си одат

Пиши – бриши во Македонија ЃП во овие летни трансфери денови. Откако пред неколку дена беше објавено дека Стефан Лазаревиќ и Есмин Личина ги продолжиле договорите, денеска клубот објави крај на соработката со двајцата фудбалери.

Клубот им се заблагодари за прикажаното и им посака среќа во следните предизвици.

Личина цели четири години го носеше дресот на Македонија ЃП, а Лазаревиќ дојде во 2021 година. И двајцата беа освојувачи на последните две куп-титули.