Јувентус не успеа да ја совлада Аталанта во Торино, одигра само 1-1, а главни „виновници“ за тоа се напаѓачите. Кристијано Роналдо не успеа да погоди од пенал, а Алваро Мората се посрамоти откако не реализираше од позиции од кои потешко е да не се погоди голот.
Тренерот Андреа Пирло е лут на напаѓачите.
„Не можеме да си дозволиме таков недостиг на концентрација во клучните моменти. Никој не може да си дозволи такви луксузни промашувања. Штета што и Роналдо не погоди од пенал, но тоа може на секој да му се случи. Сепак, промашувањата на Мората се недозволиви“, изјави бесно Андреа Пирло.
Јувентус се наоѓа на третата позиција со 24 бода, четири помалку од лидерот Милан и со три бода негатива во однос на Интер.
