Италијанската легенда Филипо Инзаги е фаворит за нов тренер на турскиот прволигаш Караѓумрук, тврди „Фанатик“. Наводно, веќе има и прелиминарен договор меѓу двете страни. Тој треба да го наследи Андреа Пирло, кој си замина од Истанбул на три кола пред крајот на сезоната во Суперлигата на Турција.
Во моментов Инзаги го предводи италијанскиот второлигаш Реџина.
Што се однесува до Караѓумрук, кој беше предводен од Пирло речиси една година, тимот е деветтопласиран на првенствената табела со 44 бода, интересно, со 11 победи, 11 нерешени и 11 порази досега.
