Менаџерот на Челси, Франк Лампард побара помош и од Петр Чех. По очајниот старт на сезоната со Кепа Аризабалага на голот и неколку наивни грешки во одбраната, Лампард побара од Чех да се активира на тренинзите и можеби повторно да застане на голот. Но, му даде шанса на Едуард Менди, новата аквизиција од Рен и го направи потегот на сезоната.
Челси успеа да не прими гол на пет натпревари во низа, што не му успеало цела деценија – од 2010 година. Менди во седум меча прими само еден гол, а во првите пет кола како за споредба, дури 11 пати се тресеше мрежата на клубот од „Стемфорд бриџ“.
„Ова е сосема поинаков тим, кога одбраната е цврста, тогаш и нападот е сигурен“, порача Франк Лампард по синоќешниот триумф (3-0) над Рен во Лигата на шампионите.
