Манчестер Сити потврди дека Пеп Гвардиола ќе продолжи да го предводи актуелниот англиски шампион и во иднина.
Она што претходно беше најавено од англиските медиуми сега е официјално – Гвардиола потпиша нов двегодишен договор со Манчестер Сити.
„Пеп Гвардиола потпиша нов двегодишен договор со Манчестер Сити“, се вели во официјалното соопштение на клубот.
Гвардиола пристигна во Манчестер Сити во 2016 година, а ова продолжување на договорот значи дека тој ќе остане во клубот најмалку една деценија.
Под негово водство, Манчестер Сити шест пати ја освои титулата во Премиер лигата, еднаш триумфираше во Лигата на шампионите, двапати го освои ФА Купот и четирипати Лига Купот.
