Македонскиот прволигаш Пелистер објави дека целиот тим, а и колективот, добил негативи тестови на Ковид-19 во пресрет на пролетниот дел од првенството во Првата лига.
Резултатите од вчерашните тестирања за ковид-19 се негативни за целиот колектив на ФК Пелистер. Тоа значи дека сите играчи ќе му бидат на располагање на тренерот Димитар Капинковски за натпреварот в недела против Вардар во Скопје.
Натпреварот кој во Македонија е познат како „вечно дерби“ се игра в недела од 14 часот. Првиот дуел на овие две екипи, игран во октомври во Битола, заврши 1-1.
